నటుడు, నిర్మాత బండ్ల గణేశ్ మూడోసారి కరోనా భారినపడ్డారు. ఈ విషయాన్ని గణేశ్ స్వయంగా వెల్లడించారు. "గత మూడు రోజులు దిల్లీలో ఉన్నాను. ఈ సాయంత్రం కొవిడ్ పాజిటివ్ వచ్చింది. స్వల్ప లక్షణాలున్నాయి. ప్రస్తుతం ఐసొలేషన్లో ఉన్నాను. నా కుటుంబానికి మాత్రం నెగిటివ్ వచ్చింది. జాగ్రత్తగా ఉండండి. ప్రయాణాలు చేసే ముందు ఆలోచించండి." అని బండ్ల తెలిపారు. అలాగే ఇంట్లోనే అపోలో వైద్యులతో చికిత్స తీసుకుంటున్న వీడియోను గణేశ్ అభిమానులతో పంచుకున్నారు. బండ్ల కరోనా భారినపడటం ఇది మూడోసారి. ఫస్ట్వేవ్, సెకండ్ వేవ్లలోనూ ఆయనకు వైరస్ సోకింది. తిరిగి కోలుకొని సినిమాల్లో కూడా నటించాడు. గణేశ్ ఏకపాత్రాభినయం చేసిన "డేగల బాబ్జీ"మూవీ విడుదలకు ముస్తాబవుతోంది.
Post a Comment